أخر الاخبار

قصيدة " حسن الخاتمة " للشاعر محمد ابراهيم كلمات

حسن الخاتمة
بالله عليكي ماتتعاديش حواديت فراق
بالله عليكي ل تبقى حسن الخاتمة
اوعي تسبيني كإنى ناي مشروخ بكا
او ضل تايه في الليالي المعتمة
انا عشت قبلك قلبى مخلوق من شقا
والحب كان في الماضي
قاضى ومشنقة
زنزانة كانت خرم ابره
ومدتى حبس انفرادي
ودنيا ضلمة وضيقة
انا بن غامق تشربينى وتسهري
ياللى انتى سكر داب فى روحي بمعلقة!
انا جيت غريب
ومشيت غريب
وبكيت هناك وبكيت هنا
بالله عليكى تكوني حلم بينتهي
"اسعد نهاية ممكنة"
متعشميش قلبي بمفيش
متمسكيش ايد الهوا
كل اللى طالبه من الحياة
انا وانتى بس نكون سوا
تعليقات



حجم الخط
+
16
-
تباعد السطور
+
2
-