Btc roulette قصيدة لو كنا جيران للشاعر محمد ابراهيم كلمات

القائمة الرئيسية

الصفحات

قصيدة لو كنا جيران للشاعر محمد ابراهيم كلمات

لو كنا جيران ..
وحياتنا بسيطه ومعتادة
الدنيا بلون ازرق سادة
اتنين .. عايشين فى سلام نفسي
اتنين عايشين زى ما تيجى
احلامنا بتكبر تدريجي
من غير ما نحس اننا ضايعين
في حياة جافة ..
من غير ما نلاقى اننا ماشيين
من غير دفه
من غير مانتوه جوه الايام
ونقوم وننام
نفسنا نتقابل .. مش عارفين
من غير ما يكون الليل سكاكين
او اكون مسكين
محتاجلك لكن
مش طايلك
حضنك موصليش فى رسايلك
ولا عارف اقابلك ولا شايف
حل لمسافات بينى وبينك
كان نفسي اضمك وانا خايف
كان نفسي تكون عينى فى عينك
من غير تعقيد..
من غير مسافات وخدانا بعيد
شباكي قصاد شباك بيتك
افتح شباكي
تكونى الشمس اللى تنور
افتحلك قلبى
تكوني العمر اللي بيتعاش
اجمل كلمة بتتقال في الحب..
هي اللى بنيجى نقولها لبعض فمنقولهاش
لو كنا جيران
فى حياة اهدي وعالم دافي
الشتا لو جه
يمسح احزاننا بأستيكه
نتحول فجأه لمزيكا
ونتوه مع صوت فيروز تاني
اكتب جوابات على عنوانك
تبعتى جوابات على عنوانى
لو كنا جيران
كان ممكن احبك لمجرد
ان انا مش شايف شئ غيرك
كان ممكن اشوفك دلوقتي
لمجرد انك واحشاني 

من ديوان واتقابلنا

تعليقات