هيعطيكم أهم 34نصيحة في عالم طب الأطفال
1. مترضعيش صناعى خالص وحاولي بصدرك واشربي حلبه كتير وحلاوه طحنيه و سمك وكبسولات هيربانا أو بريستو و إشربي سوايل كتير في الأخر لبنك هيكفي 7 عيال
2. ادى ڤيتامين د من أول يوم 4 نقط وفي السنه التانيه و التالته 6 نقط وفي مدخل الشتا يعني اليومين دول نص قطاره يوميا لمده شهر علشان ده أحسن حاجه بتذود المناعه و أي أم بترضع لازم تاخد فيدروب يوميا مع ابنها قطاره يوميا طول ما هي بترضع وحديد م الشهر الرابع زي انريتش نقط ربع قطاره يوميا..
3. للمره المليون متدّيش كالسيوم مادام بترضعى طبيعى أو صناعي بيترسب في الكلي حرام عليكم ..
4...الزبادى والجبنة ومنتجات الألبان من السادس آه عادى ،، الا لو فيه حساسية عائلية منهم وعلي فكره كل علماء تعذيه الأطفال بيسموا الذبادي ده بروتين من الجنه ..!
5.... متأكليش قبل الرابع ..ومتدّيش لبن غير لبن الأم أو الصناعى قبل سنة ابدأى بخضار وبعدين فواكه وبعدين صفار بيض و لحوم بيضا وحمرا كله مهروس مضروب خلاط!
6... ابنك رافض الأكل ومعندوش شهية .. عادى .بس المهم أمنعي اكل السيبسي والكراتيه والسكريات نهائيا وأهم حاجه لو في انيميا يبقي لازم تتعالج. و نوعى في الأكل ،، والنكهات ،، والخلطات ،، يوم ويوم ،، وادّى طبق يلغوص فيه وطبق تأكّليه منه واحده واحده.. و الله العظيم مافيش حاجه اسمها فاتح شهية.!
7. بلاش العصاير قبل ٦ شهور الا للامساك ،، من ٦ شهور-٦سنين ممكن والأفضل التفاح بالكوب مش الببرونه عشان تسوس الأسنان من ١٢٠ -١٧٠ مل حد أقصى يومياً .بعد ٦ سنوات ١/٣ لتر يومياً فقط،، والثمرة أفضل من العصير . ... المياه عند ٤ شهور ولبن الأم كافى جدا(٨٧٪مياه)..!
8. المغص والارتجاع طبيعى جداً اول ٤ شهور ،، ادّى سايميثيكون و"كرّعى" البيبي مرتين كل رضعه، ونيمى البيبي ٤٥ درجه " مرفوع الراس والصدر" بعد الرضعه لمدة نصف ساعة..... مش بنخاف من الارتجاع عند البيبيهات الا لو الوزن مش بيزيد او الزّن ليل نهار او عمل التهابات رئوية ..!
9. الترجيع فى السن الأكبر شوية بنعطى ابرة ترجيع ( دانسيت او زوفران وبلاش برمبران) ،، ومحلول جفاف ونكشف طبعاً..
10 ..الترجيع الخطير هوا اللى بيبقى معاه دم أو مستمر أو معاه جفاف شديد أو تشنجات أو ألم رهيب بالبطن..
11... الإسهال الخفيف اللى بيقعد يوم او يومين ومش بيعدى ٥ مرات في اليوم ومش سايل تماماً غالباً تسنين او من كتر السوايل او ادخال نوع اكل جديد ،، لا مش محتاج علاج ..!
١2. روشته سريعه :
الإسهال أيّاً كان نوعه علاجه محلول جفاف ونانازوكسيد وسلفوزنك ،، لو في دم هنزود سبترين او سيفوتاكس.... متديش كابكت ولا سمكتا ولا عاوزين الاسهال يقف سيبيه يطرد الخلايا الملوثة من الامعاء وماتحبسيهاش،، وعوضى من فوق بمحلول الجفاف متعلقيش محاليل..!
14 مبنعلقش محاليل الا لو الطفل بيرجّع كل حاجه حتى محلول الجفاف رغم المحاولة ٣ مرات والصبر ساعه ورغم ابر الترجيع ..!
15 مبندّيش أنتى بيوتك. مع الإسهال إلا في حالات نادره جدا جدا’
16.. الإمساك كتر أوى !! متغيريش اللبن الصناعى كل شوية ،، وخدى بالك من انواع الأكل عند بداية الفطام ،، المعدة والأمعاء ساعات مبتستحملش !
17...روشتة الإمساك :
زيت الخروع ،، الملينات ( لاكتيولوز وبيكولاكس)،،لبوس الجلسرين..! بس كده ،، الجرعات والمتابعه مع طبيبك الخاص..!!
18... قشر اللب بيعمل امساك رهيب وأحياناً انسداد معوى ..!
.الإمساك الخطير هوا الّى معاه دم في البراز أو ترجيع مستمر مع ألم في البطن ..
19... مفيش حاجه اسمها شربة فلاجيل ومعلقتين مطهر معوى ،، في تحليل براز وعلاج بما يرضى الله..
20...مين فينا معندوش أميبا ( متحوصلة!!).
،، مش بندّى فلاجيل الا لو نشطة ( vegetative) أو معاها الم بطن او امساك او اسهال.
21.. للمره المليون .مافيش حاجه اسمها انتى بيوتك عشان الواد سخن.
...سُخن ؟؟
كشفت كويس ؟؟ شفت الحلق والأذن والأنف وسمعت الصدر ؟؟ استبعدت النزلة المعوية و التهاب المخ ؟؟
تمام ،، اسحب تحليل بول وصورة دم كاملة ،،
لأ ،، متدّيش أنتى بيوتك ،،
.... سُخن ؟؟
اديتيله خافض؟؟ عملتي كمادات ؟؟ حمّيتى الواد ؟؟ اديتي لبوس ؟؟ هويتى الأوضه ؟؟ خففتى اللبس ؟؟
تمام ،، روحى اكشفى فوراً
22. ابنك بيكُحّ كتير ؟؟ ودي أهم نصيحه علشان كل العيال بتكح اليومين دول
كتير أوى ؟؟ ،، بابا وقف السجاير وماما وقفت البيرفيوم والبخور والغبار وهيا بتنضف البيت ولسه بيكح ؟؟ معاه نهجان او تزييق في الصدر وبيتكرر كتير وبيزيد في الشتا ؟؟ وابن خالته صدره بيتعب على طول؟؟
هوا وابن خالته عندهم حساسية ،، تابعى مع أخصائى حساسيه صدر أطفال زي دكتور عيالك الشربيني محمد الشربيني علشان يمشي ابنك علي بخاخه مثل فليكستيد صباحا ومساء واكياس زي سونجيولير أو ليلبيل يوميا لمره 3 شهور
23مبندّيش أنتى بيوتك علشان ابنك عنده حساسيه
24...علي فكره أشهر سبب للكحه اليومين دول هو حساسيه الأنف مع حساسيه الصد
25 ...طب نعالج حساسيه الأنف دي إزاي محلول ملح او بخاخه ماء البحر و شفاط الأنف و بخاخه الكورتيزون
26 ... والله العظيم الجلسات و البخاخات مش بتضر ولا بتوعد الطفل عليها ودي العلاج الأمثل و الوحيد للحساسيه
.27 .. إبنك مفاصله بتوجعه ؟؟
عملتى سرعة ترسيب ؟؟ ASOT ؟؟ عاليين ؟؟
مبروك ،، كل ده لوحده مالوش لازمه في التشخيص وللأسف كنتى بتدّى بنسلين على الفاضى !!
لازم ولا بد وحتماً يكون فيه "التهاب" مفاصل متنقل من مفصل لآخر أو القلب مصاب أو حركات لا إرادية مفاجئة أو طفح جلدي أحمر الأطراف أو عقد تحت الجلد فوق المفاصل ( نادرة جدا).. لو ولا حاجه من الّى فاتوا موجوده يبقى مش حمى روماتيزمية قولاً واحداً ..
28. ابنك متأخر في القعود او المشي او الحركة بشكل عام ؟؟ ادّيتى كالسيوم وڤيتامين د بجرعات عالية ومجابش نتيجة ؟؟
خلّى بالك ممكن يكون السبب ضمور في المخ أو الأعصاب أو العضلات ،، مش كل حاجة كالسيوم
29 متدّيش كالسيوم .
متدّيش كالسيوم إلا لو في نقص موثق بالتحاليل أو تشنجات قي اليد والقدم أو اختناق أو حساسية لبن محتاجه جرعات وقائية.
30.... قاعدة عامة :
التغير اللى يحصل في طفلك ( قئ، إسهال، امساك،كحة، حرارة)،، طالما مش مستمر،، وميأثرش على نموّه ،، ولا وزنه ،، ولا صحته ،، ولا جسمه ،، ولا التطور العقلى ولا الحركى واللغوى ،،، يبقى متهتميش بيه ولا تسألى عنه ولا تكشفى عليه ..
بس كدة بالبساطه دى ..
31....الطفل أقل من شهر ليه معاملة خاصة:
نشيله بالراحه ،، الهزّ العنيف ممنوع ،، التقبيل في الفم ممنوع.. الوضع فورا للفم في ثدى الأم بعد الولاده.،، لا مش عاوزين بيبي درينك ولا لبن صناعى ،، لبنك هينزل بإذن الله مع مص البيبي مش مع الصناعى اصبرى بس،، منستناش عليه ،، لو شِرِق على طول نقلبه على بطنه ونخبط على ظهره برفق ،، لو سِخِن نكشف فوراً ،،ڤيتامين ك بعد الولادة مياشرة وفيتامين د اول يوم ٤٠٠ وحده، كحول للسره وقطرة للعين لمدة ١٠ أيام.
32 ....إبنك لو حاله كحه بنهجان أو كحة بنته يبقي لازم يكشف
إحتمال كبير يكون إلتهاب رؤي
33....... . الأم الدكتورة دايماً هادية ،، بتتعامل مع طفلها بنظافة ،بتغير الحفاضة فوراً بعد المياه أو الستول وبتدهن زيت زتون أو زنك كل تغيير، بت "فلتر" معلومات تيته- ربنا يخليهالنا- كويس أوى ،، وبتريحها وبرضه بتعمل الصح ، بتسأل كويس عن المعلومة الصح من دكتور ثقة ،، بتعرف امتا تسأل الدكتور ،، وامتا لازم تكشف وامتا تعالج هيا الطفل
34...الكل لازم يقولي كل سنه وانت طيب لدكتور عيالك علشان هزعل💔🥳
#دكتور_عيالك