Btc roulette الدكتور محمد الحسينى استاذ فى جامعة المنصورة ضمن قائمة العلماء الاكثر تأثيرا عالميا

القائمة الرئيسية

الصفحات

الدكتور محمد الحسينى استاذ فى جامعة المنصورة ضمن قائمة العلماء الاكثر تأثيرا عالميا

الدكتور محمد الحسينى استاذ فى جامعة المنصورة ضمن قائمة العلماء الاكثر تأثيرا عالميا
إنجاز مصري جديد سلط عليه الضوء برنامج "صباح الخير يا مصر" المُذاع على القناة الأولى والفضائية المصرية تقديم "حسام حداد"، و"جومانا ماهر"؛ لما تم إجراء حوار مع الدكتور "محمد الحسيني" الأستاذ المساعد في كلية الحاسبات والمعلومات جامعة المنصورة، واللي شرّف مصر وتم إدراجه في تصنيف كلاريفيت العالمي ضمن 4 علماء مصريين الأكثر تأثيرًا مرجعيًا في العالم.. 

بالمناسبة.. "كلاريفيت" هو أهم تصنيف دولي لتحديد العلماء الباحثين الأكثر تأثيرًا على مستوى العالم في تخصصات مختلفة، وده بيحصل من خلال الاعتماد على قوة الأبحاث وعدد مرات الاستشهاد بيها كمرجع بحثي.. وابن مصر د."محمد" بيقدم أبحاثه من سنة 2008 ووصل عددها لأكتر من 200 بحث محكمة دوليًا.. 

د."محمد" قال في حواره مع البرنامج إن تركيزه البحثي بيركز على الذكاء الاصطناعي وأمن المعلومات، والتطبيق في المجالات المختلفة زى المجال الطبي وتأمين بيانات المرضي، أو البنوك أو التمويلات.. قال كمان إنه ومن خلال خبرته واللي شايفه بيحصل على أرض مصر متأكد إنها هتشهد نقلة نوعية في الرقمنة والتحول الرقمي خصوصاً في ظل مشروع جمع البيانات لعمل بنك المعلومات المصري.. 

نموذج مصري جديد ناجح ويشرف ويخليك فخور إن بلدنا فيها أبطال في كل الميادين.. نموذج كمان يخليك فخور بإعلام بلدنا اللي من وقت للتاني بيخلينا نتعرف عن قرب على أبطالنا دول.. كل التحية والتقدير.

#بالعامية_المصرية

تعليقات