إبعد عن كل البني آدمين
والله الواحد مش عارف بلاقيها منين؟
أو هرب فين؟
أو ياخد جنب ازاي منكم؟
أنا فعلا مابقتش ضامنكم
ولا ضامن حد يشيل همي
أو يسند كتفي في وقت ما أقع
أنا جسمي خلاص بقى كله بقع
عمال أحمد خيبات أملي
وسنين صبري
قتلوني وواقفين على قبري
ماشيين في جنازتي بيبكوا صحیح
لكن والله دموع تماسيح
ومحدش حاسس ايه فيا
ومحدش داري بأوجاعي
بأمنهم بندم على طيبتي
بحضنهم.. بيعضوا دراعي!
على فكرة العالم مش قاسي
احنا اللي جناة
احنا الأسباب الرئيسية
لكل اللي بيحصل من مآساة
احنا اللي زرعنا في بعض الشوك
فطبيعي اننا نحصد معاناة
خلوني أكون وحدي شوية..
يمكن وحدتي هتعوضني
صاحب علمته ازاي يصطاد..
أول ما اصطاد إنسان.. صادني
الدنيا غريبة يا حول الله..
والعالم ضماق
الناس في سباق
أزمتنا بقت أزمة أخلاق.
تايه وكأني غريب أعمى
عايش وكأني في أرض نفاق.!
الواحد عاش عمره يضيع
في حاجات كان لازم براعيها
وحاجات لازم تنساب لكن
كان هو اللي متبت فيها
وفي آخر القصة بقيت حاسس
إن أنا بشتري هوا في أزايز ..
وخلاصة الموضوع كام كلمة..
أسمعهم يعني ده لو عايز
القلب الأبيض عيشة صاحبه بتبقی سواد
والبنت اللي انت بتعشقها
غيرك بيخلف منها ولاد
كلنا جايين في معاد معروف
كلنا ماشین بردك بمعاد
فبلاش تعمل أزمات كدابة بدون لزمة
وتخبط أكثر من مرة على نفس الباب
فيه ناس هتسيبك في الأزمة
إوعاك تدهم من وقتك بعد ما تتساب
ارميهم زي ما عشت بترمي.. هدوم ضاقت
أو جزمة انقطعت أو دابت من كتر اللف
وساعتها هتشعر بس انك..
قادر تمشي
وساعتها هتشعر انك أقوى و جرحك خلف
انت اللي بإيدك تتجاوز.. كل الصدمات
هتبطل بس تفكر فيهم مع نفسك..
أول ما تحس انك بطلت ندم وعياط
أنا قلت وهفضل أقول دایا: «كلنا فترات»
بيع اللي يبيعك بسلاسة
ومن غير تفكير
العمر خلاص مبقاش متحمل دوشة كتير
مبقاش متحمل زحمة ناس محسوبة صحاب
لكن أغراب..
أول ما تقرب تلاقيهم خیالات و سراب
العمر خلاص مبقاش متحمل ناس تانيين
لو تقدر.. ولو ان ده مش سهل
ابعد عن كل البني آدمين