أخر الاخبار

كلمات قصيدة ' كأنه حجاب ومعمولى ' للشاعر محمد ابراهيم

كأنة حجاب ومعمولي
كتبت وراكى بالمللى
كلامك وانتى بتملى
بحبك حب متحبك
كأنه حجاب ومعمولي
ف بكتب شعر بالفصحي
بفرحة طفل في الفسحة
وفرحة ذنب بالغفران
وعابد بعد ما يصلي
عشان القلب كان نادر
محبة لقلبك النادر
هويت والقلب وفّى الندر
وقمت كتير اصلى الفجر
وادعى بحرقة ليلة القدر
عشان الباب ما بينا يزول
وينزل دمعى منى نزول
وتغرق فى الدموع كفى
ولا شافع ولا مكفي
وألم الدعوة ع الدعوة
وادعى كتير وابقى لحوح
وقلبى يقول مليش دعوة
عايزها يارب لو بجروح
عايزها تيجى بالدمعة
وبالاوجاع وبالآهة
ودعوة فيها بتوسل
بآال البيت وجاه طه
ماهى السهلة دى لو جاتني
اكيد بالسهل يوم هتروح
ف ليه دايما ما بينا بعاد
وليه الوقت يرمينا
لاخر بعد فى الابعاد
واستناكي يوم تيجي
وماتجيش بردو اى معاد
وليه لو كنا م العشاق
ده يحصلك ويحصلي
ده انا عاشق
كتبت وراكي بالملى
كلامك وانتى بتملي
بحبك حب متحبك
كأنه حجاب ومعمولي

قصيده من ديوان لما كنا
تعليقات



حجم الخط
+
16
-
تباعد السطور
+
2
-