النزلات المعوية في الأطفال الفترة دي مرعبة
سببها طبعا ممكن تكون التغيرات الجوية
وممكن فيروس الروتا
وكمان ممكن تكون اميكرون للأسف كما يقول معظم الأطباء
أهم حاجة لازم تعرفوها
الإسعافات الأولية للموضوع ده
أولا :طبعا محلول الجفاف ده حياة أو موت
الكيس بيتحل علي ٢٠٠ سم ماء يعني تقريبا مج الشاي الكبير
والطفل ياخد منه ببطئ ٥سم كل ٥دقايق علي مدار اليوم طول مافيه اسهال أو ترجيع
ثانيا : لازم الترجيع يقف لانه أخطر من الإسهال
لأن الطفل لو سهل هنعوض بمحلول الجفاف
إنما لو فضل يرجع كل ما ياخد حاجه مش هنعرف نعطيه حاجه وممكن لاقد الله يدخل في جفاف
حقنة ترجيع زي دانست أو ايميرست أو زوفران تركيز ٤مجم
لو الطفل حوالي أقل من سنتين نديله ١سم منها
أو فيه لازقة توضع علي اللسان بيمصها اسمها ondalenz 4mg
نفس فاعلية الحقن
الفكرة إن حقنة الترجيع ممكن تتكرر عادي كل ١٢ ساعه لو الترجيع بيتكرر لحد ما الترجيع يقف
أهم حاجة لازم تبقوا عارفنها هي علامات الجفاف
عشان لو في حاجة منها يبقي لازم مننتظرش ونراجع الطبيب فورا أو نروح طوارئ المستشفى
أهم علامة هي إن البول يقل جدا ويبقي غامق جدا ومركز أو ميبقاش فيه بول أصلا
جفاف اللسان
العين تبقي داخله لجوه
همدان شديد أو قريفة باستمرار
ضعف الرضاعه عند الرضع
أو أي تغير ملحوظ لازم نراجع الطبيب فوار
الطفل الملهوف علي الماية لا نعطيه ماء لأنه ممكن يدخل في جفاف بسبب نقص الأملاح في جسمه ولازم بسرعه نعطيه محلول الجفاف
كمان النزلة دي معدية جدا فنخلي بالنا من باقي الأطفال ونستخدم أدوات شخصية لكل طفل ونغسل إدينا كويس لما نتعامل مع الطفل المصاب سواء إطعام أو تغيير حفاض.
ربنا يعديها علي خير ويحفظ أبناءنا من كل مكروه وسوء.