لتعرف على كل جديد
تميز بلا حدودتم الإعلان عن فتح باب التقديم فى مسابقة ال 30الف مدرس من قبل وزارة التربية والتعليم والتعليم الفني، حيث يبدأ التسجيل في المسابقة من يوم الاثنين الموافق 7 فبراير 2022 الشهر القادم ويستمر التسجيل لمدة أسبوع آخر حتى يوم الاثنين الموافق 14 فبراير من نفس الشهر والعام، حيث من الضروري الالتزام بالمواعيد المعلنة فلن يتم الموافقة على أحد غير في الفترة المسموح بها
توضيح عن مسابقة تعيين 30 ألف معلم:
أولاً :
المسابقة هتكون تثبيت مدى الحياة بالجهاز الإداري للدولة بعكس مسابقة الـ 36 ألف التي كانت بعقد مؤقت ، وهتكون للجميع ، سواء لمن تعاقدوا من قبل وهم الـ36 ألف معلم، ولمن تعاقدوا بالحصة، ولمن تعاقدوا بالتطوع ، والخريجين من الكليات التي ستحتاج الوزارة لتخصصاتهم
ثانياً :
الإعلان عن شروط وتخصصات المسابقة، وطريقة التقديم هيكون في أول شهر أبريل إن شاء الله
ثالثاً :
الأولوية هتكون للصفوف الإبتدائية والمواد الأساسية لإن العجز فيها كبير جدا
رابعاً :
الصفوف الأولى ، يعني عربي ، إنجليزي ، علوم ، دراسات ، رياضيات ، حاسب ، وهكذا ، أما باقي الصفوف فحسب نسب العجز في كل مادة في كل صف في كل مدرسة وهكذا
خامساً :
لن يتم تجاهل الإعدادية والثانوية ولكن ده هيكون في التخصصات اللي فيها عجز صارخ فقط، على الأقل في أول سنة من المسابقة.. لأن المسابقة ممتدة معانا لمدة خمس سنين وكل سنة هيتعين 30 ألف
سادساً :
الأنشطة هيكون لها نصيب في التعيينات، لأنها جزء من منظومة التعليم الجديدة بالصفوف الأولى
سابعاً :
مدارس قرى حياة كريمة الجديدة، أكيد ليها نصيب كبير ، لأنها بلا أي معلمين، وتم تأسيسها منذ شهور في القرى والمناطق التي يتم فيها تطبيق المشروع، ولم يكون فيها مدارس من قبل
ثامناً :
المسابقة نفسها مش هتكون على مستوى الجمهورية بنفس الأعداد في كل محافظة.. لأ.. دي هتكون حسب احتياج كل مادة في كل صف في كل مدرسة في كل إدارة، يعني مثلاً : ( إدارة المطرية في القاهرة محتاجة 100 مدرس إنجليزي ، بس الإدارة اللي جمبها محتاجة 50 بس ، أما الإدارة اللي جمبهم مش هتكون طالبة إنجليزي خالص ، أنا بطرح مثال مش أكتر لتبسيط المعلومة )
تاسعاً :
الكلام ده ليه؟.. لأن وزارة التعليم أصبح عندها قاعدة بيانات كاملة متكاملة ، عن كل فصل في الخمسين ألف مدرسة على مستوى الجمهورية، فيه عجز إيه، ومحتاج كام معلم، في كل مادة، وكل مدرسة محتاج كام معلم في كل صف، وهكذا.. والحصر ده مكنش موجود قبل كده، لكنه اتعمل
عاشراً :
المسابقة مش هيكون فيها تدخل من أي عنصر بشري ، وكله إلكتروني تحت عين الأجهزة الرقابية، وده تكليف رئاسي ، علشان لا يبقى فيه واسطة ، ولا معارف ، ولا فلوس ، واللي هينطبق عليه الشروط هو اللي هيترشح للتعيين ( إلكترونياً ) ، وبعدها يتدرب تدريب كامل ( تدريب تربوي ، تدريب وتأهيل سلوكي ، تدريب في التعامل مع الطلاب ، تدريب على المناهج وطرق تدريسها بناءاً على المنظومة الجديدة ) وبعدها يدخل إجراءات التعيين ، يعني محدش هيجي من البيت على المدرسة