أخر الاخبار

مها ابوعوف تحكى قصة حملها فى ابنها : معجزة

البعض يتسائل ويتعجب من صغر سن ابن الفنانة الراحلة مها ابوعوف ولكن هناك حكاية كبيرة وراء ذلك
عندما سألت الفنانه فى برنامج كل يوم عن حملها فردت

15 سنة و انا بلف علي الدكاترة عشان احاول اخلف ... لفيت العالم روحت ايطاليا و امريكا و سويسرا و فرنسا و دول تانية كتير ... ده انا حتي حاولت اعمل اطفال انابيب بس للاسف حتي دي منفعتش و الدكاترة في الاخر نصحوني اني انسي موضوع الحمل خالص .
 فكرت اتبني طفل مع اني كان نفسي في حاجة مني حتة مني قالولي في امريكا هنشيل لك الرحم عشان ميحصلش حمل كاذب و ده فعلا مرض حقيقي و مش سهل و مع ذلك رفضت و بعدها رجعت علي مصر و سلمت امري لله و قولت لنفسي خلاص ده قدر ربنا و مكتوب و ربنا مش كاتبلي اني ابقي ام و اخلف
 لحد ما يوم حسيت بمغص جامد اوي و تعبت بس ساعتها كبرت دماغي مهتمتش .. و لما لقيت الوجع زاد روحت المستشفى و بعد ما الدكاترة كشفو عليا لقيتهم في حالة ذهول و علامات التعجب علي وشهم و طلبو مني تحاليل انا كل اللي جه في دماغي ساعتها انهم لقو حاجة وحشة لقدر الله بس بعد شوي لقيت الدكتور جاي بيقولي مبروك انتي حامل
طبعا انا مصدقتش نفسي من الفرحة و مكنتش مصدقة وداني
 لقيت الدكتور بيكررها لي ... ايوة زي ما سمعتي انتي حامل ... جاتلي حالة فرح هستيري ...كان ساعتها معايا ولاد اختي من كتر الفرحة نسيتهم في المستشفي و جريت علي بيت اختي افرحها .. بعد ما روحت لها بشوية بتسالني فين الولاد قولتلها نسيتهم هناك و لما رجعنا تاني المستشفي عشان نجيبهم لقيت الدكتور بيقولي جملة عمري ما هنساها ابدا ... قالي انتي علمتيني مقولش لواحده انها مش هتخلف ..و فعلا اذا اراد الله شيء قال له كن فيكون .

وداعاً مها أبو عوف 
تعليقات



حجم الخط
+
16
-
تباعد السطور
+
2
-