أخر الاخبار

قصيدة تفاصيل يجوز اصغر من اللازم كلمات الشاعر محمد ابراهيم

تفاصيل يجوز أصغر من اللازم

تفاصيل يجوز أصغر من اللازم
لكن بتفرق للأسف جدا
صوت المطر أول ما ندخل يناير
ريحة الهدوم بالبرفنات والسجاير
والشمس لما تدوب في لون الستائر
والوحدة لما تتوه في طعم الشاي
تفاصيل كتير مبتسألش «ازاي» ؟
فيه حاجات عشان نوصفها نتكلم
وحاجات عشان نوصفها نسكت بس
أجمل ما فيها انها بتتحس.
تتعاش بكل ما فيها وما فينا
تصبح عادات بنحبها وخلاص
فبيبقى حب في منتهى الإخلاص
تفاصيل بتفضل مهما غاب أشخاص
فيعوضوك عن كل واحد غاب
وبيفتحولك باب..
على دنيا فيها الونس
والراحة م الفرجة ع الناس قصاد شاشة
نقدر نقول باشا
وبتبقى صاحب مزاج..
عايش ومش محتاج
غیر وحدتك وهواك
انت اللي باقي معاك
الناس بتركب قطر وانت ف قطر
مش كل شيء نعرف نقوله في سطر
مش كل حاجة ببتوصف تحلى
وعشان كده :
«الكنز في الرحلة»
فيه حاجات كتير عن قرب مش حلوة
أول ما تبعد عنها بتغريك
دي طبيعة بشرية..
مش عيب نظر ف عنيك
كل اللي باقي عليك.. انك تعيش هادي
متقبل الموضوع..
وبيفتحولك باب..
على دنيا فيها الونس
والراحة م الفرجة ع الناس قصاد شاشة
نقدر نقول باشا
وبتبقى صاحب مزاج..
عايش ومش محتاج
غیر وحدتك وهواك
انت اللي باقي معاك
الناس بتركب قطر وانت ف قطر
مش كل شيء نعرف نقوله في سطر
مش كل حاجة ببتوصف تحلى
وعشان كده :
«الكنز في الرحلة»
فيه حاجات كتير عن قرب مش حلوة
أول ما تبعد عنها بتغريك
دي طبيعة بشرية..
مش عيب نظر ف عنيك
كل اللي باقي عليك.. انك تعيش هادي
متقبل الموضوع..
والقهوة
والضلمة آخر الليل
تفاصيل بتفرق للأسف لكن
مش كلنا بنهتم بالتفاصيل

من ديوان واتقابلنا ..
تعليقات



حجم الخط
+
16
-
تباعد السطور
+
2
-