أخر الاخبار

كلمات قصيدة ' اسكندرية لية ' للشاعر محمد ابراهيم

اسكندرية ليه
(ولد وبنت)
أول مشاهد قصتك..
مشهد حزين
أول سلام كان بالإيدين..
كان فيه قرابة وقبطل
وكلام ناسيه
كانت إيديك تلجاية دايبة في كفها
حضنت إيديك بإيديها فجأة كأنها
صعبان عليها اللي انت فيه..
برفانها يومها ساب هدومها وساب أثر
في قميصك البني القماش
في حضن كان مفهوش نقاش..
وجه اعتراضها عالبكا قدامها كان
ان البكا مايهمناش
ليه تبكي على شيء من اللي فات
الحب أصلا طول ما هو حبنا ..
طول ما هو انت وأنا
بعمل الوف المعجزات..
الشاي برد جمب الكلام
وإيديكي زي الشاي بقت
في إيديا تلج مادفانيش
بقولك ايها ينفع نعيش؟!
أنا كنت أفارق أبتسم
دلوقتي أفارق أتقسم
دلوقتي فارقة الفرقة ليه
من قبل حتى ما أودعك..
مع اني عمري ما هنفعك..
عايزك تكوني كيان وذات،
مع ان برضو مفيش أمل
مين اللي قال الحب يعمل معجزات!

لو كان بيعمل كان عمل..
كلمني.. كلمني أكتر
قولي ايه اللي مسكتك
صوتك ماليه الخوف دا ليه؟
ويرتعش وكانه عيل من عيال
الشارع الفاضي الحزين
ليلة في ديسمبر..
والمطر على الرصيف..
اسكندرية..
اسكندرية المؤلمة من غير حبيبتي الملهمة
يا بحر مابندیش دوا..
غير اللي جاينلك سوا
واللي يجيلك دون حبيبته بتوجعه
وترجعه
بجرح أكبر من اللي كان جاي يداويه
اسكندرية حلوة اه ..
لكن بدونك زيها..
زي المد. این گلها
الحزن كان طبع الشوارع،
والبيوت والأمكنة
انتي هناك.. وأنا مش هنا
الخوف حضني حضن جامد وقتها
مقدرش أبطل خوف مقدرش..
أنا لسه أضعف من الإزاز
حاسبي في يوم تتعوري
أو تكسري فيا اللي لسه مانكسرش..
اسكندرية مكشرة
والليل زحام..
طعم الحياة ساقع رخام
انسي شويه بأني خام
ضميني أكتر من كده..
أنا لسه خايف من يناير يبتدي
أنا لسه مرعوب من الشتا
دا المشي من غيرك وجع..

زي المد. این گلها
الحزن كان طبع الشوارع،
والبيوت والأمكنة
انتي هناك.. وأنا مش هنا
الخوف حضني حضن جامد وقتها
مقدرش أبطل خوف مقدرش..
أنا لسه أضعف من الإزاز
حاسبي في يوم تتعوري
أو تكسري فيا اللي لسه مانكسرش..
اسكندرية مكشرة
والليل زحام..
طعم الحياة ساقع رخام
انسي شويه بأني خام
ضميني أكتر من كده..
أنا لسه خايف من يناير يبتدي
أنا لسه مرعوب من الشتا
دا المشي من غيرك وجع..
تعليقات



حجم الخط
+
16
-
تباعد السطور
+
2
-