Btc roulette قصيدة نصيب كلمات الشاعر محمد ابراهيم

القائمة الرئيسية

الصفحات

قصيدة نصيب كلمات الشاعر محمد ابراهيم

نصيب

.
مسكنا ف ناس.. وناس سابت
وناس فضلت وناس غابت ..
وناس من حبها اتغابت ..
وفضلت عايشة ع الماضي
وناس حبتنا ما اتحبتش.
فلفوا قلوبنا ع الفاضي
محدش فينا كان فاهم
بإن العمر لايفوت.
ويجي الوقت ونسيب بعض
محدش مننا هيموت..
لأن الدنيا مش واقفة
على الناس اللي ناوية تسيب
دي حكمة ربنا فيها..
وفعلا كل حاجة نصيب

موجود في حياتك بمزاجك
بتغيبي في وقت ما بحتاجك
وفي وقت ما تحتاجي وجودي
تلاقيني ف ضهرك وف إيدك
كنتي انتي الغلطة اللي انا دايا
مايصلحكيش كنت بعيدك
مستسلم جدا لمشاعري..
مستمتع جدا وانا بتذل
كان محل ما حبي يزيد ليكي
بلاقيكي كإنك حبك قل
انا هعرف أفرق من أوجاعي
لو حبك راح يلوي دراعي
يبقى الموضوع ده مالوش داعي
والبعد هيفضل أفضل حل !!
كل اللي ف إيدك هتسيبه
بسبب وساعات من غير أسباب
الرايح رايح لنصيبه
والجاي بيجي عشان ينساب

من ديوان لما كنا

تعليقات