قصيدة انا مش هي
بتدور فيا عليها ساعات
وانا عارفة بإنك مانيتهاش
رجالة بتنسي بنات ببنات..
وكأنه قدر لازم يتعاش
بين جاني وبين أي ضحية
صدقني بجد انا مش هي
ولا هعرف أكون
(وقت اتقضى»
في علاقة أحزان طردية
ولا هعرف أكون نسخة لواحدة
بتعوض قلبك عن وحدة
أو جرح قدیم واجعك لسه
في ارجع لو جاي عشان تنسی
ده لأني أكيد مش هقبل بيك
طول ما انت ماضيك لسه مطاردك
بالشكل اللي انت بتزرع بيه
« أنا وردة ماتنفعش لأرضك»
کام مرة اتلخبطت ف اسمي..
وعملت عبيطة و مش سامعة
وكتمت بتنهيدتي الدمعة
والموقف عدي وعديتها
« أنا عارفة بإنك حبيتها)
لكن من حقي عليك إنك
تضمنلي حقوقي ف إحساسك
أو قبل ما تفتح صفحتنا
تقفل صفحتها المفتوحة
أو حاول ترجعلها و خلاص
« أنا فعلا هبقى المجروحة)
في علاقة دخلها تلات أشخاص
واحد مش عارف اتنين
و تلاته آهو واقف يتفرج
إن واحد شافنا أكيد هيقول
إننا یا بنهدي با ينهج
»
في كفاية مكابرة وأنانية
صدقني بجد «أنا مش هي
يمكن بشبهها ف نبرة صوت
أو نظرة عين.. أو حتى
طريقة نطق کلام
بس دي أوهام
أصل الموضوع مش شكل
وبس
يمكن قلبك خدعك أو حس
إن أنا هنفع .. واننا واحد
وان أنا بالتدريج هتحول»
من غير ما تحس بدل فاقد
« بس انا ما أنفعش ومش هنفع“
ولا عمري هكون..
ده لأن مفيش اتنين في الكون
بيكونوا بنفس الشخصية »
صدقني بجد أنا مش هي