Btc roulette شروط التقديم ل 240 مهندس مسابقة وزارة الموارد المائية والرى

القائمة الرئيسية

الصفحات

شروط التقديم ل 240 مهندس مسابقة وزارة الموارد المائية والرى

ملاحظات مهمة بخصوص مسابقة الري الجديدة : مطلوب ٢٤٠ مهندس تخصصات مختلفة
 ( 29 مهندس ميكانيكا – 15 مهندس كهربا – 190 مهندس مدني – 2مهندس اتصالات – 4 مهندس حاسب الي). 
يتم بدء التقديم اعتبارا من 20/2/2022 حتي 7/3/2022 من خلال 
بشرط السن لا يزيد عن 30 عام من تاريخ نشر الاعلان.
 مش متحدد محافظات بعينها في الاعلان. 
ده لينك الاعلان الرسمي فيه باقي الشروط و المستندات المطلوبة: الشروط 
الناس ال هتقدم تهتم بالمستندات و هي بترفعها ..
 يكون من لاب او كمبيوتر احسن من الموبايل و النت يكون كويس ..

 لأن المسابقة ال فاتت حصل مشاكل مع ناس كتير في موضوع رفع المستندات ..
 و الناس تكون عارفه انه اي غلطة في النقطة دي هتكون نتيجتها انه الورق مش هيتقبل. 
نقطة مهمة كمان ان المستندات هتترفع بصيغة jpg فقط ملونة و حجمها ميزدش عن 1 ميجا .. 
و فيه مواقع لتقليل الحجم
فيه كام سؤال شائع عن المسابقة بقي : لو انت سنك قرب من التلاتين و مش عارف اذا كنت تقدم او لأ ..
 ببساطة قبل ما تاخد اي خطوة جرب تدخل بياناتك علي الموقع ..
 هو اوتوماتيك لو سنك مش مناسب مع شروط الوظيفة هيقولك كده و مش هيقبل بياناتك.
 هتعرف انك رفعت ورقك ازاي ! ..
 اما تخلص رفع كل المسندات المطلوبة و بيناتك كلها هيقولك ف الاخر تم حفظ الملفات بنجاح و هيديك رقم الطلب الخاص بيك ..
 الرقم ده لازم تحتفظ بيه ( حاول تاخده اسكرين شوت او تكتبه ف ورقة)

 لأنه هيكمل معاك ف كل مراحل التقديم اللي بعد كده. الامتحان بيبقى بعد التقديم بمدة قد ايه ! ..
 حوالي 10 ايام و برضه تابع موقع الوظائف الحكومية اول بأول. كارنية النقابة لازم يكون متجدد هو و البطاقة طبعا. لسه التقديم مفتحش هايفتح يوم ٢٠ فبراير ان شاء الله .. 
و الناس تركز دلوقت بس في تجهيز الورق و الاستعداد لأول امتحان. لو معاك فيش قديم ينفع تقدم بيه ولا لأ ! ..
 لازم الفيش ميعديش عليه اكتر من 3 شهور و إلا هيبقي غير صالح و كمان لازم يكون موجه للجهازالمركزي للتنظيم والإدارة.
 يعني ايه وجهين للفيش بحسب الاحوال (زي ما مذكور في الاعلان ؟) ..
 فيه فيش بيبقي ورقتين وده هو الفيش القديم اللي البصمات فيه بتبقي بالحبر مش الالكتروني علي حسب كل مركز. 
ايه المقصود بالمؤهل الاعلي ! .. 
الماجيستير او الدكتوراه و لو معاك بكالوريوس بس هتسيبها فاضية. الايداع ل ٣ بنوك ولا بنك واحد بس من ال متحددين! ..
 الايداع فبنك واحد واهم حاجه الوصل بتاع الايداع. الوظيفة عقود ولا تثبيت ! ..
 لم يذكرعقود في الاعلان بل مكتوب تعيين معنى كدا اعتقد تثبيت. 
مرة تانية بأكد علي التاكد من المستندات قبل رفعها و تحميلها علي الموقع لان الطلب هيترفض لو كانت غير صحيحة . ايه هي الخدمة العامة ! .. 
كل حاجه عنها متوضحة في اللينك ده : اللينك
و فيه ناس بتقول انه ممكن تروح الشئون الاجتماعية وتجيب ورقة منها انك بتعمل خدمة عامة وتقدم عادي .. 
ده في حالة انك حاليا في خلال السنة بتاعت الخدمة العامة ..
 اما لو لسه مكنتش بدأت فيها ف فيه ناس بتقول برضه ممكن تجيب ورقة من الشئون الاجتماعية الموجودة في محل اقامتك اسمها الي من يهمه الامر ..
 عموما الافضل في كل الاحوال انك تروح وتتأكد بنفسك من مكتب الشئون الاجتماعية نفسه عن اي سؤال عندك بخصوص النقطة دي.  بالنسبة للداتا ال الناس ممكن تزاكر منها .. ف الجروبات دي عليها ملفات مهمة الناس تحاول تبص فيها 
 بالنسبة للامتحان ف هو بيبقي علي جهاز لاب توب وما تركزوش علي التخصص بس .. النجاح والدرجات مش علي التخصص بس فيه: 
نفسي (سلوك) 
عربي 
لغة اجنبية 
معلومات عامة
 iq 
 حاسب الي
 الوقت منفصل في كل جزء فيه عداد بيعد تنازلي في كل جزء ..
الأمتحان عربي و جزء اللغة English طبعاً جزء
 it ليك حرية الاختيار عربي أو English التخصص English ونصيحة لوجه الله ما تعملش نفسك الشاب المثالي في السلوك عشان بيعيد الموقف بطريقة تانية بعد فترة ولو جاوبت إجابة مختلفة الكمبيوتر هيحسبها اجابة غلط. 
لموا درجات في المعلومات العامة 
و iq والنفسي واللغة عشان التخصص في الغالب مش هيكون معاك آلة حاسبة وممكن تحل النص وتلاقي نفسك ربنا كرمك عشان درجاتك في باقي الفروع فحاولوا توازنوا بين التخصص وباقي الفروع بلاش تركزوا ١٠٠٪ علي التخصص.
 الأمور بسيطة باذن الله و ال عنده حاجه لسه مش واضحة يسأل فيها الناس مش هتتأخر ف الرد عليه .. و بالتوفيق ان شاء الله

تعليقات