ولو ع السجن..
في القضبان
بنت معروفة فين دلوقت
وبس اتنا وبصاتنا
بدم المدة كاتبين تتر
ونس للضلمة في الزنازين
بقي الموضوع یا دوب کام متر
أما اللي برا كلهم مساجين
أسوأ ما في السجن إنه يتحول مدى
أسوأ ما في الحق إنه يشهد زور
أوقات يجوز للصرخة تزهد في الصدی
لكن محال النور هييجي بسور
فتش عن اللي في معتقل شاشة
سجنك دماغك مش كلابش وصول
لو جزمجي ع جزم باشا
هيشوفها شغلة وأكل عيش وأصول
بس اللي وطی دماغه يحمي قفاه
إيد الشاویش مالهاش عيون بتشوف
الدور هييجي وبكرة تبقى معاه
وأهي بكرة ترجع تاني «شيء ما الخوف»
أول ليالي المعتقل اهي
بتطل من شباك جديد..
طلت عليا بوشها البهتان
نزفت حيطان السجن أغنية
على روحي دم..
وفي جسمي رعشة
وصوتي شرخ
كان قلبي ماسك سبحته
زي الولي..
اتفضليه
اسمحي لي بحضن واحد
حضن دافي..
حضن شافي..
حضن يمسح عفرة الليل
عن كتافي..
حضن يحيي كل شيء مبت
الأرض مقلوبة..
فكرت فيكي بكيت..
قام دمعي نازل ع السا
سألت ملايكة ربنا
مين تحت بيعيط ؟!
أول ليالي المعتقل أمي
الست دي کوکب على الكوكب..
كتلة دفا بتشع نور
توهب حياة للخلق زي الشمس..
تشبه جمال جملة لفؤاد حداد
يا ريتني أعمى أشربك باللمس
الدعا في السجن أصدق..
م الدعابراه..
الكل يونس جوا بطن الحوت..
ومالوش ونس في الضلمة إلا الله
یا ودود يا ودود..
قلبي مکسور حتتين..
حتة في البيت القديم
سبتها لأمي في غيابي
حتة متسابة لصحابي
قسموها بالتساوي..
يمكن الأحزان تقل!
حاسس إني ف شمس حامية
نفسي ألاقي حتة ضل
یاکریم یاکریم..
روحي مربوطة فساك!
حاسس إني بقيت مكركب
كل شيء جوایا تاه..
العشم في الناس مذلة
والأمل في الله حياة
أمي طيب عاملة إيه؟!
حالها إيه دلوقتي يعني
أمي لو کحت في بيتنا
بالتقي صدري وجعني
ارتباط الابن بأمه..
شيء غريزي.
وفطرة حب كونية
علاقتي معاها بالمسافات
علاقة حب طردية
وكل ما بعدي عنها یزید
يزيد الحب..
زمانها بتسألك عني
فطمنها عليا يارب..
إنت اللي في إيديك فك هذا الكرب..
الشر عمره ما ينتصر ولو انتصر
يبقى انتصار «جولة»
الشر عمره ما كان طبيعة في كون
والظلم عمره ما كان أساس دولة
العدل جاي يحطم الأصنام..
وهد معبد خوفنا من فرعون
ندفع لغيرنا عشان يعيشوا الدم
خايفين بنلقي نفسنا في اليم
فتردنا سالمين.. يا بنترفع شهدا
أحياء بنرزق في السما عندك
آخر كلام من أبويا كان ما تخافش
طول مانت ضهرك ربنا وساندك
اكفينا ضمة سجننا المقفول...
واكفينا شر الضلمة لو هتطول
إحنا في بلاد لو تقتل المتقول
تبكي في جنازته كأنها والداه ..
حنان بلد مكتوب على بابها
قبل الدخول إن والبقاء لله »
إحنا في بلد مابقتش تنفع بلد..
أول ليالي المعتقل...
بدأت في مستشفى
ندهت أبويا ممرضة
« مبروك عليك»
جالك ولد