أخر الاخبار

ممنوعات فى علاج الاطفال اوعى تعمل كده

الفاتحه اوعي تعملي كدة !

-ابنك سخن وعنده وجع في الحلق  فتعطي مضاد حيوي!!!! اليومين دول معظم حالات احتقان الحلق فيروسية يعني المضاد الحيوي بيدمر الدنيا وبيخلي الحلق واللسان كله برابيق......

-ابنك عنده سخونيه وتحطي ميه ساقعه علي دماغ ابنك كدة بتعملي له صدمة للمخ الصح لو سخن جامد تملي البانيو بماء فاتر وتقعدي الطفل بنصه اللي تحت فيه...

-ابنك عنده اسهال و تمنعي عنه الرضاعه الطبيعيه و المحلول علشان تقللي الاسهال .....

-إنكك بيكح وبيسخن وبياخد دولفين أو كتافلاي لازم باراستامول....

-ابنك عنده ترجيع  وتمنعيه من الرضاعه بحجه ان مفيش حاجه بتقعد في بطنه .....

-ابنك تعطيه كالسيوم بدون تحليل بحجة انه لسه مش مشه ...
-ابنك الصغير تلفيه بفتله من عند بطنه بحجه ان بطنه ممكن تفرش وتعمل كرش 

-ابنك تربطي تحت وسطه ب اكتر من لفه بحجه انك مبتعرفيش تمسكيه ....

-انك تبتدي تأكلي طفلك من الشهر التالت بحجه انه بيفتح فمه لما يشوف حد بياكل ....

-وانك تفطميه بدري بحجه انه مبياكلش ...

-و انك تعطيه الموبايل و المفاتيح يحطهم في فمه بحجه انه مبيسكتش الا عليهم ...

-و انك اول متشوفي حمام طري ايدك بتجري علي دوا الاسهال  ...

-وان طفلك لما يسخن تروحي مدياله هديه  ٤ حقن عضل مضاد حيوي  و برده مبتنزلش الحراره . للمره المليون اليومين دول معظم الحالات فيروسية ...

-وانك تقولي ان طفلك صغير و تديله حليب. صناعي من اول يوم دي جريمة يعاقب عليها القانون.....

-ان طفلك عنده بدايات صفرا و تجيبي لمبه موفره و تحطيها فوق راس طفلك و تجيبي علاج من دماغك و العيل ميخفش  ابنك هيحول يا مدام....

-انك تدي علاج و تتصرفي من دماغك و الحاله تبوظ  او توقفي علاج من دماغك و تستخصري تروحي الاعاده و تلومي علي الدكتور انه علاجه مبيجبش فايده ...

-انك طفلك يكون عنده حساسية صدر وحضرتك توقفي البخاخة بحجة انه هيتعود عليها مش هيتعود عليها وحضرتك انا دكتور عيالك  مش بتاع كشري.....

و الفاتحه اوعي 
تشوفي الكلام دا و متقرئيهوش ولا تشيريه 
هزعل اوي
#دكتور_عيالك_الشربيني_محمد_الشربيني
د دكتوراه طب الأطفال وحساسية صدر الأطفال
احمد الشربينى
بواسطة : احمد الشربينى
تعليقات



حجم الخط
+
16
-
تباعد السطور
+
2
-